*ஆசிரியர்களின் உயர் கல்விக்கு அனுமதி பிரச்சனை - வட்டார கல்வி அலுவலருக்கு அதிகாரம் வழங்க வேண்டும் -சிவகங்கை மாவட்ட தமிழ்நாடு ஆரம்பப்பள்ளி ஆசிரியர் கூட்டணி வலியுறுத்தல்*

🌟⟦T⟧ ⟦N⟧ ⟦P⟧ ⟦T⟧ ⟦F⟧🌟

  ⚡⟬ அ ⟭ ⟬ ய ⟭ ⟬ ன் ⟭⚡

https://tnptfayan.blogspot.com/2018/12/blog-post_7.html

*🌟ஆசிரியர்கள் ஒரே பதவியில் 10 ஆண்டுகள் நிறைவு செய்தால் தேர்வு நிலை, 20 ஆண்டுகள் நிறைவு செய்தால் சிறப்பு நிலை வழங்கப்படுகிறது. அது போல் ஆசிரியர்கள் அஞ்சல் வழியில் உயர் கல்வி பயின்றால் துறை அனுமதி பெற வேண்டும்.*

*🌟ஏற்கனவே உயர் கல்வி பயில முன் அனுமதி வழங்கும் அதிகாரம் மாவட்டத் தொடக்கக்கல்வி அலுவலர்களிடம் இருந்தது. இதில் பல்வேறு குழப்பங்கள் ஏற்பட்டதால் தமிழகம் முழுவதும் பல ஆயிரம் ஆசிரியர்கள் தாங்கள் பயின்ற உயர் கல்விக்கு பின்னேற்பு பெற முடியாமல் இன்றளவும் பாதிக்கப்பட்டுள்ளனர். இதனால் அவர்களுக்கு வழங்க வேண்டிய ஊதிய உயர்வு மற்றும் பதவி உயர்வுகள் நிறுத்தப்பட்டுள்ளன.*

*🌟இந்த குழப்பத்தைத் தவிர்க்க சில ஆண்டுகளுக்கு முன் வட்டாரக் கல்வி அலுவலர்களே உயர் கல்வி பயில அனுமதி வழங்கலாம் என கல்வித்துறை உத்தரவிட்டது.*

*🌟ஆனால் 2018 மே 18 ல் வெளியிடப்பட்ட அரசாணை 101 ன் மூலம் ஆண்டு ஊதிய உயர்வு மற்றும் ஈட்டிய விடுப்பு ஒப்படைத்து பணப்பலன்களை அளிப்பது தவிர்த்து மற்ற அனைத்து அதிகாரங்களும் மாவட்டக் கல்வி அலுவலர்களுக்கு மாற்றி உத்தரவிடப்பட்டது.*இதனால் ஆசிரியர்கள் பெரும் அவதிக்குள்ளாகி வருகின்றனர்.*

*🌟ஒவ்வொரு மாவட்டக் கல்வி அலுவலகமும் தேர்வு நிலை, சிறப்பு நிலை, உயர்கல்வி அனுமதிக்கு தேவையற்ற காரணங்களைக் கூறி ஆசிரியர்கள் விண்ணப்பங்களைத் திருப்பிவிடுகின்றன.*

*🌟இதனால் ஆசிரியர்கள் மன உளைச்சலுக்கு ஆளாவதோடு தேவையற்ற கால தாமதமும் ஏற்படுகிறது. உயர் கல்வியை தொடரலாமா? வேண்டாமா? என்ற குழப்பமும் ஏற்படுகிறது.*

*_தமிழ்நாடு ஆரம்பப்பள்ளி ஆசிரியர் கூட்டணி மாவட்டச் செயலாளர் தோழர்.முத்துப்பாண்டியன் கூறுகையில்,_*

*🌟ஏற்கனவே ஆசிரியர்களின் கல்விச்சான்றிதழ்களின் உண்மைத்தன்மை கோரும் கோப்புகள் மாதக்கணக்கில் இழுத்தடிக்கப்படுகிளது. இந்நிலையில் மேற்கண்ட கோப்புகளும் தாமதப்படுவதால் அலுவலகங்களில் தேவையற்ற நிர்வாகக் குழப்பம் ஏற்பட்டுள்ளது.*

*🌟எனவே முன்பு இருந்தது போல் தேர்வு நிலை, சிறப்பு நிலை, உயர்கல்வி முன் அனுமதி வழங்கும் அதிகாரங்களை மீண்டும் வட்டாரக் கல்வி அலுவலர்களுக்கே வழங்க வேண்டும்.*

*🌟கல்வித்துறையில் மிகப்பெரிய பாதிப்பை ஏற்படுத்தியுள்ள அரசாணை 100, 101 ஆகியவற்றை ரத்துசெய்ய வேண்டும். முன்பு போல் தொடக்கக்கல்வி துறை மாவட்ட அளவிலும் தனித்துறையாக செயல்பட நடவடிக்கை எடுக்க வேண்டும்.*

*🤝தோழமையுடன்;*

*_முத்துப்பாண்டியன்,_*

*மாவட்டச் செயலாளர்,*

*தமிழ்நாடு ஆரம்பப்பள்ளி ஆசிரியர் கூட்டணி,*

*சிவகங்கை.* 

🗝тnρтfαyαn.вℓσgѕρσт.¢σм