*🛡️*சாதனைப் பயணத்தில் தமிழ்நாடு ஆரம்பப்பள்ளி ஆசிரியர் கூட்டணி-கொரோணா பேரிடர் உதவிப்பணிகளில் 2 கோடியே 8 லட்சம் ரூபாய் மதிப்பிலான பொருட்கள் வழங்கல் - பொதுச்செயலாளர் அறிக்கை*

*🛡️*சாதனைப் பயணத்தில் தமிழ்நாடு ஆரம்பப்பள்ளி ஆசிரியர் கூட்டணி-கொரோணா பேரிடர் உதவிப்பணிகளில் 2 கோடியே 8 லட்சம் ரூபாய் மதிப்பிலான பொருட்கள் வழங்கல் - பொதுச்செயலாளர் அறிக்கை*

🌟⟦T⟧ ⟦N⟧ ⟦P⟧ ⟦T⟧ ⟦F⟧🌟
  ⚡⟬ அ ⟭ ⟬ ய ⟭ ⟬ ன் ⟭⚡

*_பொதுச்செயலாளரின் அறிக்கை எண்: 04/2020 நாள்: 21.05.2020_*

*⚔️*
*🛡️இயக்க வரலாற்றில் இடம்பிடித்த தமிழ்நாடு ஆரம்பப்பள்ளி ஆசிரியர் கூட்டணியின்  கொரோனா பேரிடர்கால உதவிப்பணிகள்.*

*⚔️*
*🛡️தமிழ்நாடு முழுவதும் 34 மாவட்டங்களில் 2 கோடியே 8 லட்சம் ரூபாய் மதிப்பிலான உதவிப்பணிகள்.*
 
*_''உதித்தபோதே போராட்டத்தில் குதித்த இயக்கம்"_*
  *_''போராடுவதற்கென்றே பிறந்த இயக்கம்"_*
 
*_''பேருக்கு இயங்கும் இயக்கமல்ல; போருக்கு இயங்கும் இயக்கம்"_*
  *_''அநீதிக்கெதிராக ஆர்த்தெழும் இயக்கம்"_*

*_''எதிர்த்து நிற்பது எமனாக இருந்தாலும் நெஞ்சுறுதியோடு  இறுதிவரை போராடும் இயக்கம்"_*
 
*_''இயக்கச் செயல்பாடுகளில் ஈடு இணையற்ற இயக்கம்"_*
  *_''கூட்டுப்போராட்டங்களில் நம்பகத்தன்மை வாய்ந்த இயக்கம்"_*
 
*_''தனிச்சங்கப் போராட்டங்களில் தன்னிகரற்ற இயக்கம்"_*
 
*_''சாதி என்னும் சதிக்கு இரையாகாத இயக்கம்"_*

*_''எந்தக் கட்சி ஆட்சியில் இருந்தாலும், சமரசமின்றிப் போராடும் இயக்கம்"_*

  *_''எந்தத் தனி நபரின் செல்வாக்கிலும், சொல்வாக்கிலும் இயங்காத இயக்கம்"_*

*🛡️இவ்வாறு தமிழ்நாடு ஆரம்பப்பள்ளி ஆசிரியர் கூட்டணிக்குப் பெருமை சேர்க்கும் புகழாரங்கள் ஏராளம் உண்டு. இவைகளெல்லாம் வெற்று வார்த்தைகள் அல்ல; தமிழ்நாடு ஆரம்பப்பள்ளி ஆசிரியர் கூட்டணியின் கடந்தகால செயல்பாடுகளுக்குக் கட்டியங்கூறும் வைர வரிகள்.*

*⚔️*
*🛡️இப்படி தமிழ்நாடு ஆரம்பப்பள்ளி ஆசிரியர் கூட்டணியைப் பற்றி நடுநிலையாளர்களும், மாற்றுச்சங்க நண்பர்களும் புகழ்ந்தாலும், அத்தனை பெருமைகளுக்கும் முத்தாய்ப்பாக கொரோனா பேரிடர் உதவிப்பணிகளில் மாநிலம் முழுவதும் நடைபெற்ற இயக்கச் செயல்பாடுகள் தனி முத்திரை பதித்துவிட்டன.*

_''போராடுவதற்கென்றே பிறந்த இயக்கம்"_ என்னும் வார்த்தைகள், கொரோனா பேரிடர்கால உதவிப்பணிகளுக்குப் பின்பு _''உதவி செய்வதற்கென்றே உருவான இயக்கம்"_ என்னும் பெருமையை இயக்கத்திற்குப் பெற்றுத்தந்து விட்டது.*

*⚔️*
*🛡️ _''கொரோனா நோய்த்தொற்றுத் தடுப்பு மற்றும் உதவிப்பணிகளில் மாநிலம் முழுவதும் ஈடுபடுங்கள்"_ என்று மாநில அமைப்பு அறைகூவல் விடுத்தவுடன், அதைச் சிரமேற்கொண்டு கண்துஞ்சாது, இமைப்பொழுதும் சோராது, இரவு பகலாக களத்திலே இறங்கிப் பணியாற்றிய பல்லாயிரக்கணக்கான இயக்கத் தோழர்கள் மிகவும் பாராட்டுக்குரியவர்கள்.*

*⚔️*
*🛡️கடந்த 45 நாட்களாக தமிழ்நாடு முழுவதும் 34 வருவாய் மாவட்டங்களில், 300க்கும் மேற்பட்ட ஒன்றியங்களில், ஆயிரக்கணக்கான இடங்களில், லட்சக்கணக்கான மக்களுக்கு தமிழ்நாடு ஆரம்பப்பள்ளி ஆசிரியர் கூட்டணியின் உதவிக்கரங்கள் நீண்டுள்ளன.*

*⚔️*
*🛡️20.05.2020 வரை தமிழ்நாடு முழுவதும் 2 கோடியே 8 லட்சம் ரூபாய் மதிப்பிலான உதவிப் பொருட்கள் இயக்கத்தின் மாவட்ட, வட்டார, நகரக்கிளைகள் மூலம் வழங்கப்பட்டுள்ளன. இதுபோக இயக்க உறுப்பினர்கள் மாநிலம் முழுவதும் தாங்கள் பணியாற்றும் ஊர்களில் வறிய மக்களுக்கு தனித்தனியே வழங்கியுள்ள உதவிப்பணிகள் ஏராளம். இன்னும் இயக்க கிளை அமைப்புக்களின் உதவிப்பணிகள் தொடர்ந்து கொண்டே இருக்கின்றன.*

*⚔️*
*🛡️ _''இதன் மூலம் தமிழ்நாட்டில் ஒரு பேரிடர் கால மீட்புப்பணியில் 2 கோடியே 8 லட்சம் ரூபாய் அளவிற்கு உதவிப்பணிகளில் ஈடுபட்ட முதல் ஆசிரியர் இயக்கம் என்ற பெருமையை தமிழ்நாடு ஆரம்பப்பள்ளி ஆசிரியர் கூட்டணி பெற்றுள்ளது"_ என்பதை மாநில அமைப்பு பெருமையோடு தெரிவித்துக் கொள்கிறது. எவரிடமும் பாராட்டுப் பத்திரம் பெறுவதற்காக இச்செய்தி பதிவு செய்யப்படவில்லை. இச்செயல் மற்றவர்களுக்கு உந்து சக்தியாக விளங்கட்டும் என்பதற்காகவே பதிவு செய்யப்படுகிறது.*

*⚔️*
*🛡️தமிழ்நாட்டில் தமிழ்நாடு ஆரம்பப்பள்ளி ஆசிரியர் கூட்டணி கொரோனா பேரிடர் உதவிப்பணிகளைத் துவக்கிய பின்புதான் அதன்பால் ஈர்க்கப்பட்டு ஒரு சில ஆசிரியர் அமைப்புக்களும், பல்வேறு ஊழியர் அமைப்புக்களும் உதவிப்பணிகளில் ஈடுபட்டன. மற்ற அமைப்புக்கள் உதவிப்பணிகளில் ஈடுபடுவதற்கே தூண்டுகோலாக இருந்த இயக்கம் தமிழ்நாடு ஆரம்பப்பள்ளி ஆசிரியர் கூட்டணி.*

*⚔️*
*🛡️தமிழ்நாடு ஆரம்பப்பள்ளி ஆசிரியர் கூட்டணியின் தாரக மந்திரமான _''ஆசிரியர் நலன், மாணவர் நலன், கல்வி நலன், சமுதாய நலன்"_ என்பதில் சமுதாய நலனை உயர்த்திப் பிடிக்க வேண்டிய காலமிது. இக்கால கட்டத்தில் அச்செயலை இயக்கம் மிகச்சிறப்பாய்ச் செய்துள்ளது.*    

*⚔️*
*🛡️இயக்க வரலாற்றில் _''வீரஞ்செறிந்த இயக்கம்"_ என்று அடிக்கடி சுட்டிக்காட்டப்படும் தமிழ்நாடு ஆரம்பப்பள்ளி ஆசிரியர் கூட்டணி _''ஈரஞ்செறிந்த இயக்கம்"_ என்றும் தற்போது வரலாற்றில் பதிவாகியிருக்கிறது.*

_''இயக்கக் கடமைகளை இடையறாது தொடர்வோம்!"_

_"இயக்கச் செயல்பாடுகளுக்கு இலக்கணமாய்த் திகழ்வோம்"_
                                                  _🤝தோழமையுடன்,_

*_ச.மயில்,_*
_மாநில பொதுச்செயலாளர்_
*தமிழ்நாடு ஆரம்பப்பள்ளி ஆசிரியர் கூட்டணி.*

🗝тnρтfαyαn.вℓσgѕρσт.¢σм