*🛡️தமிழ்நாடு ஆரம்பப்பள்ளி ஆசிரியர் கூட்டணியின் மாநில அமைப்பு மாண்புமிகு.தமிழ்நாடு முதலமைச்சர் அவர்களுக்கு கோரிக்கை மனு-இராணிப்பேட்டை மாவட்ட ஆட்சியர் மற்றும் மாவட்ட முதன்மைக் கல்வி அலுவலர் ஆகியோரின் உத்தரவின் பேரில் கொரோனா நோய்த்தடுப்பு களப்பணியில் கட்டாயமாக ஈடுபடுத்தப்பட்ட திமிரி ஒன்றிய தலைமையாசிரியர் திருமதி R.சுந்தரி அவர்கள் நோய்தொற்றுக்கு உள்ளாகி உயிரி�

*🛡️தமிழ்நாடு ஆரம்பப்பள்ளி ஆசிரியர் கூட்டணியின் மாநில அமைப்பு மாண்புமிகு.தமிழ்நாடு முதலமைச்சர் அவர்களுக்கு கோரிக்கை மனு-இராணிப்பேட்டை மாவட்ட ஆட்சியர் மற்றும் மாவட்ட முதன்மைக் கல்வி அலுவலர் ஆகியோரின் உத்தரவின் பேரில் கொரோனா  நோய்த்தடுப்பு களப்பணியில் கட்டாயமாக ஈடுபடுத்தப்பட்ட திமிரி ஒன்றிய தலைமையாசிரியர் திருமதி R.சுந்தரி அவர்கள் நோய்தொற்றுக்கு உள்ளாகி உயிரிழப்பு.முன்களப் பணியாளர்களுக்கான இழப்பீட்டுத் தொகை வழங்க கோரிக்கை*

தஆஆகூ/மாஅ கடித எண்: 35/2021, நாள்: 19.06.2021

*பெறுநர்*

மாண்புமிகு. தமிழ்நாடு முதலமைச்சர் அவர்கள்
தலைமைச் செயலகம்
சென்னை - 9.
மாண்புமிகு ஐயா,

*பொருள்:*

இராணிப்பேட்டை மாவட்ட ஆட்சித் தலைவரின் உத்தரவின்
பேரில்
மாவட்ட
முதன்மைக் கல்வி அலுவலரின்
ஆணையின்படி கட்டாயமாக கொரோனா நோய்த்தொற்றுக்
கண்காணிப்பு மற்றும் விழிப்புணர்வுக் களப்பணியில்
ஈடுபடுத்தப்பட்ட திமிரி ஒன்றிய ஆரம்பப்பள்ளித் தலைமை
ஆசிரியை திருமதி.R.சுந்தரி என்பார் நோய்த் தொற்றால்
பாதிக்கப்பட்டு 01.06.2021ல் உயிரிழப்பு தலைமை
ஆசிரியையின் குடும்பத்திற்கு கொரோனா பணியில் உயிரிழந்த
முன்களப் பணியாளர்களுக்கு வழங்கப்படும் இழப்பீட்டுத்
தொகை ரூபாய் 25 லட்சம் வழங்கிட வேண்டுதல் சார்பு.

*பார்வை:*

⚡1. இராணிப்பேட்டை மாவட்ட ஆட்சித்தலைவரின்
செயல்முறைகள் ந.க. எண்: அ2/059/2020 நாள்: 05.2021

⚡2.
இராணிப்பேட்டை மாவட்ட முதன்மைக் கல்வி
அலுவலரின் செயல்முறைகள் ந.க.எண்: 1861/ஆ4/2021 நாள்:
05.2021

⚡3. திமிரி வட்டார வளர்ச்சி
அலுவலர் (கி.ஊ)
செயல்முறைகள் ந.க.எண்: 670/2020 நாள்: 10.05.2021

⚡4. தமிழ்நாடு ஆரம்பப்பள்ளி ஆசிரியர் கூட்டணி
ஒருங்கிணைந்த வேலூர் மாவட்டச் செயலாளரின் கடிதம் நாள்:
04.06.2021.

🛡️பார்வை 1ல் கண்ட இராணிப்பேட்டை மாவட்ட ஆட்சித் தலைவர் அவர்களின்
உத்தரவின்படி இராணிப்பேட்டை மாவட்டம் முழுவதும் கிராம ஊராட்சிகள் அளவில்
கொரோனா நோய்த் தடுப்பு கண்காணிப்பு விழிப்புணர்வுக் குழுக்கள் உருவாக்கப்பட்டன.
அக்குழுவில் அந்தந்த ஊராட்சிப் பகுதியைச் சேர்ந்த தலைமை ஆசிரியர் அல்லது ஆசிரியர்,
ஊராட்சி செயலர், கிராம நிர்வாக அலுவலர் அல்லது கிராம உதவியாளர், அங்கன்வாடிப்
பணியாளர், மகளிர் சுய உதவிக்குழு உறுப்பினர் ஆகியோர் இடம் பெற்றனர்.

🛡️இக்குழுவினர்
நாள்தோறும் காலை 9 மணி முதல் மாலை 5 மணி வரை ஊராட்சிப் பகுதிகளில் வீடு
வீடாகச் சென்று நோய்த் தொற்றுக் கண்காணிப்பு மற்றும் கணக்கெடுப்புப் பணியில் ஈடுபட
உத்தரவிடப்பட்டது.
அதனடிப்படையில் பார்வை 2ல் கண்ட இராணிப்பேட்டை மாவட்ட முதன்மைக்கல்வி
அலுவலரின் உத்தரவின்படி மாவட்டம் முழுவதும் 10.05.2021 முதல் ஆசிரியர்கள்
நோய்த்தொற்றுக் கண்காணிப்புக் களப்பணியில் கட்டாயமாக ஈடுபடுத்தப்பட்டனர். களப்பணிக்கு
வராத ஆசிரியர்கள் மாவட்ட ஆட்சித் தலைவரின் கவனத்திற்குக் கொண்டு செல்லப்பட்டு
நடவடிக்கைக்கு உள்ளாக்கப்படுவர் என்று அந்த உத்தரவில் மாவட்ட முதன்மைக் கல்வி
அலுவலர் தெரிவித்து ஆசிரியர்களை அச்சுறுத்தினார்.

"ஆசிரியர்களைக் கட்டாயப்படுத்தி கொரோனா நோய்த்தடுப்புக் களப்பணிகளில்
ஈடுபடுத்த வேண்டாம். விருப்பமுள்ளவர்களைப் பயன்படுத்திக் கொள்ளலாம்"

என்று தமிழக
அரசு அறிவித்திருந்தும் இராணிப்பேட்டை மாவட்ட ஆட்சித் தலைவரும், மாவட்டக்
கல்வித்துறை அதிகாரிகளும் அதைப் பின்பற்றவில்லை.

🛡️50 வயதிற்கு மேற்பட்ட ஆசிரியர்கள்
மற்றும் இணை நோய் உள்ளவர்கள் ஆகியோரை இப்பணியில் ஈடுபடுத்த வேண்டாம் என்று
வலியுறுத்தியும் அவர்கள் அதைக் கண்டு கொள்ளவில்லை.

🛡️இந்நிலையில் பார்வை 3ல் கண்ட திமிரி வட்டார வளர்ச்சி அலுவலர் (கி.ஊ)
உத்தரவின்படி திமிரி ஒன்றியம், அல்லாளச்சேரி ஊராட்சி ஒன்றிய ஆரம்பப் பள்ளியின்
தலைமை ஆசிரியர் திருமதி.R.சுந்தரி என்பார் கொரோனா நோய்த்தொற்றுக் கண்டறியும்
களப்பணிக்கு நியமிக்கப்பட்டார்.
56 வயதான தலைமை ஆசிரியை திருமதி.R.சுந்தரி அவர்கள் தனக்கு சர்க்கரை
நோய், உயர் ரத்த அழுத்தம் ஆகிய நோய்கள் உள்ளதைக் கூறி தனக்கு அப்பணி
வேண்டாம் என்று திமிரி வட்டாரக்கல்வி அலுவலர்களிடம் முறையிட்டும் அவர்கள் அதை
ஏற்காமல் சிறிதும் மனிதாபிமானமின்றி பணிக்கு வரவில்லையென்றால் நடவடிக்கைக்கு
உள்ளாக நேரிடும் என்று அச்சுறுத்தி களப்பணியில் ஈடுபடுத்தினர்.
வேறுவழியின்றி தனது உயிரையும் பொருட்படுத்தாமல் தனது பணியைப்
பாதுகாத்துக் கொள்வதற்காக உயர் அலுவலர்களின் அச்சுறுத்தலுக்குப் பயந்து 10.05.2021
முதல் கொரோனா நோய்த்தொற்றுக் களப்பணியில் வீடு வீடாகச் சென்று நாள்தோறும் காலை
9 மணி முதல் மாலை 5 மணி வரை உடல் உபாதைகளையும் பொருட்படுத்தாமல்
பணியாற்றினார்.

🛡️அதன் விளைவாக தலைமை ஆசிரியை திருமதி.R.சுந்தரி அவர்கள்
கொரோனா நோய்த்தொற்றுக்கு உள்ளாகி மிகக் கடுமையாகப் பாதிக்கப்பட்டு
மருத்துவமனையில் சிகிச்சை பலனின்றி 01.06.2021 அன்று காலமானார். கொரோனாவின்
இரண்டாவது அலையில் தமிழ்நாடு முழுவதும் 500க்கும் மேற்பட்ட ஆசிரியர்கள் கொரோனா
நோய்த் தொற்றால் உயிரிழந்துள்ளனர்.

🛡️ஆனால், தலைமை ஆசிரியை திருமதி.R.சுந்தரி
அவர்களின் இறப்புக்கு இராணிப்பேட்டை மாவட்ட நிர்வாகமும், இராணிப்பேட்டை மாவட்டக்
கல்வித்துறை அதிகாரிகளுமே காரணமாகும்.

🛡️தலைமை ஆசிரியை திருமதி. R.சுந்தரி அவர்களின் இறப்பு அவரது
குடும்பத்தாருக்கு மிகப்பெரிய இழப்பாகும். எனவே, அவரது குடும்பத்திற்கு கொரோனா நோய்த்
தடுப்பு முன்களப் பணியாளர்களின் உயிரிழப்புக்கு அரசு வழங்கும் இழப்பீட்டுத் தொகை 25
லட்சம் ரூபாய் வழங்க வேண்டும் என்று பார்வை 4ல் கண்ட மனுவை எங்கள் அமைப்பின்
ஒருங்கிணைந்த வேலூர் மாவட்டக்கிளை ஏற்கனவே உயர் அலுவலர்களுக்கு அனுப்பியும்
இதுவரை எவ்வித நடவடிக்கையும் இல்லை.

🛡️எனவே, தாங்கள் உயிரிழந்த மேற்படி தலைமை ஆசிரியையின் குடும்ப நலன்
கருதி அவரது குடும்பத்திற்கு உயிரிழந்த முன்களப் பணியாளர்களின் குடும்பத்திற்கு
வழங்குவது போல் ரூபாய் 25 லட்சம் வழங்கி உதவிட பெரிதும் வேண்டுகிறோம். அதேபோன்று
தமிழ்நாடு முழுவதும் கொரோனா நோய்த்தொற்றுக் களப்பணியில் ஈடுபடும் ஆசிரியர்கள்
உள்ளிட்ட அனைத்து ஊழியர்களையும் முன்களப் பணியாளர்களாக அறிவித்திட வேண்டும்
எனவும் வேண்டுகிறோம்.

🛡️தங்களின் சீரிய தலைமையின் கீழ் செயல்பட்டுவரும் தமிழ்நாடு
அரசின் உத்தரவை மீறிச் செயல்பட்ட இராணிப்பேட்டை மாவட்டக் கல்வித்துறை அலுவலர்கள்
மீது உரிய நடவடிக்கை மேற்கொள்ள வேண்டுமெனவும் தமிழ்நாடு ஆரம்பப்பள்ளி ஆசிரியர்
கூட்டணியின் மாநில அமைப்பு தங்களைப் பெரிதும் வேண்டிக் கேட்டுக் கொள்கிறது.

✍️தங்கள் உண்மையுள்ள,

ச.மயில்
பொதுச்செயலாளர்
தமிழ்நாடு ஆரம்பப்பள்ளி ஆசிரியர் கூட்டணி